يـمّـه .. مـخـنووقه .. والـخـنـقـة هـدتـنـے :"( << الجزء الأول

اليوم حسيت اني مخنوقة و جاتني خـواطر كثيييييرة على بالي ..


فحبيت اشارككم هيا 






~~~~~~~ لن أعيد عقارب ساعتي للوراء ~~~~~~~~~~~




اتخذت أحد اركان فصلي المظلمة ... 




وجلست بها وتذوقت طعم الوحدة المريرة ... 




من الصعب أن أناضل .. لتحريك عقارب الساعة للوراء .. 




ومن الصعب أن أجازف بحرق تلك الذكريات .. ..




ومن الصعب أن أضحي .. تضحياتٍ عديدة ...




لأجل شخص يُعمى بصره عنها ... 




جعلت من نفسي { حطباً } لأدفئ أطرافه الباردة شتاءً ...




وبعد ان تدفئ .. نهض .. 




وتركني وحيده ... 




برفقة رماآاآد احتراقي ... 




ماالذي سينفعني به رمادي ... 




يا هذا .. ألم ترى دمعي ؟! 




لا .. لان أجازف بإعادة عقارب ساعتي للوراء .. 




~~~~~~~~~~~~~~~~~~~~~~~~~~~~~~~






~~~~~~~~~~ صباحي بوجودك أحلا  ~~~~~~~~~~






صباآاآح يغرس كـلمات الوداع في براعم الزهور ...




صباآاآح يرسم بكل احتراف .. ابتسامة مزيفة على فاهي ...




صباآاآح يخبئ خلف ضحكاآاآتي المتصنعة .. اطنان من الدموع ... ... 




صباح الخير !!! 




صباح الخير يا مصدر إلهامي .. .. 




صباح الخير يا منبع اجمل خواطري ... 




صباحٌ .. لا ككل صباح ... ... 




صباح استنشق بين ثناياه رائحة عطرك . . .




  صباح يملأه .. سحر ابتساماتك ... ... 




صباحٌ ساآاآحر .. قيدني .. وكبلني ... 




لأكون له خادمةً واكتب لك الخواطر ... .. 




لك .. فقط ... 




انت فقط .... صباحي له رونق آخـر .. .. صباحي بوجودك أحلا !




~~~~~~~~~~~~~~~~~~~~~~~~~~~~~~~~~~~~~


في كثيير ترى .. قلت مو فاضية دحين بقوم للمتعسة .. 


بحطلكم هي بعدين جانا

ابلتي .. << ربي يخليها لي دنيا وآخرة ^^

اليوم ... مدري ايش اقولكم عن اليوم ..

صراحة من الصبح كان صايبني توتر بسبب دماآاآر هببته امس

اسمعو يا حبايب انتووو ...

امس كانت عينا حصة رياضيات .. وانا مطلّعة ورقة مكتوب فيها خاطرة نقلتها من منتدى ولا كتاب .. مدري والله نسيت

الموهيم .. ولما دخلت ابلة الرياضيات خبيت الورقة في كتاب الانجلش .. عشان لو شافتني اكتب خفت تقول لي :

اذا هادا سبب خيابتك في الرياضيات .!!

قلت يابنت احسن لك خبيها لا تحطي نفسك في موقف تندمي عليه

وبعد حصة الرياضيات كان علينا انجلش عشان الابلة تصحح الكتب ..

حطيت كتابي على طاولة الابلة .. ولما خلصت الحصة والابلة لسة ما صححت كتابي .. اخدتو لمكتبها

على اساس تصححو وتطلعو الفصل ...

الموهيم .. طلع لي كتابي قبل نهاية الدوام بحصة ..

فتحتو وطاحت الورقة منو .. ولقيت الابلة كاتبة لي تعليق .. أنا خلااااااص

دورو عليا صرت قد السمسمة .. وصرخت بكل صوتي : لاااااااااااااااااااااااااااااااااااااااااا

والبنات اتجمعوا .. << لقاآاآاآفة

ايش في ؟ ايش في ؟ .. وقعدوا يجرو ورايا عشان بس يعرفو ايش في الورقة

الموهيم .. صرت اجري ما ابغى احد يشوفها .. كدة مزاآاآاآج ..

وحاصروني الله يقطع اباليسهم .. قمت حطيت الورقة في فمي ..

والبنات انتحاريات يبغوا يدخلو يدهم

الموهيم . . وانا انتحارية بلس .. رحت مضغتها وبلعتها

والبنات بدهم يموتو من الصدمة ..... وفي وحدة وجهها رهيب واقفة تقول : يع اكلتيها ؟؟؟؟؟؟!!!

وروحت اعتذر لأبلتي .. وصراآاآحة انا مو من النوع اللي اعتذر لأي احد إلا لو كنت غلطانة ^^"

بس ابلتي شي تاني .. احسها قريبة مني .. احوب اتكلم معاها

احس اني محظوظة لاني تلميذتها

فحبيت اكتب لها هالخاطرة  :

~~~~~~~~~ معنى آخر ~~~~~~~~

الطريق يبدو طويلاً ... صعباً ... لا نهاية له ........

قلبي يخفق ..!! مالذي تخبئه لي هذه الأيام .. ؟؟ أهي في صالحي ؟ أم ببساطة سترمي بي ...

سترمي  بي لمكانٍ حيث تتلاعب بي الأقدار كيفما شاءت ؟!

هل من شخصٍ يمسك بي ؟! هل من شخصٍ يأخذ بيدي ؟!

لقد كان قلبي يتمنى بعدد أنفاسه .. وبعدد نبضاته .. أن ينقذني ذلك الشخص الذي أتمنى !!

لكنني أراه يشيح بناظريه بعيداً !! ليتركني وحيدة بين ظلماتٍ أبدية !!

ظللت في بقعتي .. حيث بكيت .. ونزفت دموعي .. وبللت وجنتاي .. واحترق قلبي ..

لأراها .. أجل معلمتي .. هل ما تراه عيناي صحيح ؟ ..

تأخذ بيدي .. تضمني .. تزيل بكل لطف .. ذلك الضرر الذي خلّفه ذلك الشخص ...!!

أستاذتي .. شكراً لكٍ .. لقد جعلتيني ادرك .. أن للحياة معنى آخر !!

~~~~~~~~~~~~~~~~~~~~~~~~~~~~~~~~~~~~~~~~

ان شاء الله تنال اعجابكم ^^

شلة محششة عالآخر

كونيتشيوا ..


ابغى اكتب لكم هالتدوينة بسرررررعة عشان بقوم للمتعسة ><

اليوم اتفقت شلتي البلوجرية المحششة على انو نحط شات ^^


جاتني الملقوفة (( smily )) وقالت نحط شات .. كلهم هجموا عليا وقالو يلا ..


قلت شات شات بس يسكتوا *.*


وعلى بركة الله جبنا الكود وحطيناه ولصمقنا الشات على جدار مدونتي ..


وقلت شاركونا التعاليق لحسن ميمي - سان ناوية تشوت اللي ما يعلق << اصلاً انا اول وحدة بتشوتني لو شافت ايش قولت عنها ^^



يلا بقوم قبل ما ماما تجي تلبّسني المريول بيدها < < عاد يا شماتت (( حنين الشوق )) فيا شكلها مستنية هاللحظة خخخـ


جانا

عمركم فكرتو ايش بيصير لكم لو شربتو حليب خربان ؟؟!

ههههههههههههه

لما خلصت كتابة التدوينة دي اللي تحت ذي التدوينة << وش ذي الطلاسم


جات اختي وماسكة قارورة حليب وقالتلي : امممـ .. ايش بتكتبي ؟


قلتلها : لا , انتي ايش تتوقعي ؟ حياة شكسبير مثلاً << قلبت عزيزي


بعدين طالعت فيها مرة تانية وقلت : دلال !!! انتي تعرفي انو الحليب دا في الثلاجة من قبل ما نسافر مكة ؟!


قامت سكتت وطالعت في قارورة الحليب وضحكت ضحكتها الخبيثة


قلت في قلبي : أفاااا هالتركية بتطبخ لها طبخة في دماغها .. الله يستر بس


قلتلها : اشبك ؟ دا بدل ما تروحي ترمي الحليب زي الأوادم مو تشربيه ؟


قامت قالت : لا بس عشان امي ما تسمحلنا نشرب او ناكل شي منتهي تاريخه .. فحاسة اني في مغاآاآمرة حماآاآس


وه ياربي بدأ مفعول الحليب ...


قلت في نفسي دحين بعد شوي بتقول : آه بطني ..


ولا بتروح تطلع اللي في بطنها ..



ولا فجأة يطلع احتمال بعييييييد جداً عن تخيلاتي ..


بدأ التحشيش ..


وقامت تضحك وتخرف ..


وهي من النوع اللي قبل لا تاخذ دوا تقرا ورقته ..وتعرف وش فيه وش ما فيه



وفي دوا قريتو وبقالها ايام تستعملو اسمو cold and flu 


فيه (( فنستيل )) و (( بنادول )) بس ميزته انو ما ينوم ..



وقامت تسأل : وه هو من جد فيه (( فنستيل ))


لا يا أوختي واللي كنتي تقريه في الورقة ايش انشاالله


حتى امي قالت لها : يا دلال !! انتي مو بعقلك صراحة !!


وتتكلم زي الأطفال خخـ


قلت تحشش احسن من انها تتسمم .. رغم انها سممت بدننا بتحشيشها ورفعت ضغط امي


بس صحتها اهم << يا سلام قلبت موظفة في شركة الانسانية



بس نصيحة لا تشربو شي منتهي تاريخة ^^


جــاآاآنــاآاآ

انا بخير ..

السلام عليكم ..


كونيتشيوا  



اليوم رجعت من مكة ولله الحمد ..


ورغم المصاعب حاسة اني مرتاحة



اول ما جينا .. انا حطيت راسي ع المخدة ونوووووووومت



صحيت وفطرت .. وقومنا نزلنا ع الحرم



كل شي كان فل الفل .. تونا بدأنا نشلح الجزم اكرمكم الله عشان ندخل ...


وألاقي ظل كبيييييير فوقي ..


بسم الله الرحمن الرحيم !!! وشو ذا ؟؟؟!!





ألف وجهي وأطالع ألاقي : جراآاآاآدة كبييييييرة واقفة تطوف حولي .. << تحسبني الكعبة وانا مدري



قمت اقول : هش هش هش ...



ابغاها تحل عن سمايا


قمت اجرررري ودخلت من بوابة 73 ..


الموهيم نسيت الموضوع ودخلت في ساحة الحرم وقلت بطوف ..


وألاقي عائلة الجراد الكريمة ملصمقة على الكعبة ..


يااآاآاآربي وش ذي الوهقة ؟!!


كيف بطوف هالحين ؟؟!!


وش الحل .. وش الحل .. وش الحل ... ؟؟؟!



قلت خلاص على قول اهل مكة : اللي يبغى الدحه لا يقول احه ..


بمعنى اللي يبغى شي معين وطريقه مليان شوك لا يجلس يتأف أف كل مرة يتعور


دام اني ابغى الاجر .. بضحي << الاخت خايفة عشان معاها حساسية من الحشرات


دخلت وبدأت اطوف .. وعيني عالأرض اخاف ادوس على شي خشن وكبير قد راسي


استغفر الله ماشية وانا مو دارية ايش بقول .. كل شوية تطير جرادة من الكعبة .. وكأنها عارفة اني خايفة منها ..


وتبدأ تحلق فوق رأسي الجميل



وأنا مافي غير اقول : وجع .. وجع .. الله ينتقم منك يا بعيدة



وسمع اللي جمبي يقولو اللهم آتنا في الدنيا حسنة وفي الآخرة حسنة وقنا عذاب النار ...



توي اتذكر برجع اذكر ربي .. ألاقي جرادة تطير .. هب الله اكبر << حشا ذي مو جرادة دي بني آدم طائر من كبرها


وقسم بربي مدري كم شوط طفت لو مو اختي قالتلي دا الشوط السابع ما كان عرفت


الموهيم خلصنا الطواف ولله الحمد ..


هوووه توي آخدت نفس ..


وقمنا نصلي ركعتين خلف مقام ابراهيم ..


توي صليت الركعة الاولى .. في الثانية ركعت وعيني في الارض .. وجا واحد ماشي ..


وكانت في طريقة نص جرادة ميتها ومو شايفها .. وراح شاتها ناحية موضع سجودي ..


وأنا خلاص رفعت وقلت : سمع الله لمن حمده ..


يعني بسجد ..


ياربي ... اسجد ولا لا ؟


وذي النصف جثة جرادة تناظرني


قلت خلاص بشوتها بيدي وامري لله ....


وفجأة تجي وحدة تمشي من قدامى وتشوتها بعيييييييد


ياالله دعيت من كل قلبي لذيك الحرمة .. حسيت اني مدينة لها بحياتي


الموهيم صلينا الظهر وخرجنا بسلام ..


كان نفسي بـ آيس كريم بس مقدر عشان كان معايا بداية زكمة


بس وانا خارجة قلت من كل قلبي : آآآآآآآه ياااربي .. انا عارفة انو طوافي كان شختك بختك .. بـس ..


اتمنى ... (( اتمنيت امنيييية بقالي اشهر وانا اتمناها وادعي واليوم جاتني الفرصة ))


وصرت ابكي .. ابكي .. وابكي ..


ولما احد يسألني : وه يا فنو اشبك تبكي ؟


اقول : حسبي الله ع الجراد ..



حطيت التهمة فيه عشانو خربلي طوافي .. عشان يعرف انو الله حق



وبث دا كل اللي صار معايا .. انا بقوم دحين انام قبل لا تجي امي تكسر اللاب عليا .. ولا اخاف تعجبها الشغلة ..


وتجيب لي جرادة هدية  



جــــاآاآنــــاآاآ