Thank you every one ^^

كونيتشيوا ياحلوين 

عندي أخبار حماآاآس 

أولاً : ... كان عندنا برنامج في النشاط تبع يوم الثلاثاء ... كان عن الرسائل الإيجابية 

أنا شاركت واقترجت للأبلة إني أغني أغنية هانا مونتانا (( the climb )) >> مصرووووعة ع الآخر 

والأبلة وافقت ... وأنا كنت طااآيرة من الحماآس .. وفي نفس الوقت .. طاآاآيرة من الخوووف 



أنا مضى لي فترة ما طلعت ع المسرح .. وحسيت إني خاايفة ...


الموهيم ... دخلت استعد وأنا كل عضو في جسمي يرقص من الخوف 

الحمدلله انو كانت مادو معايا << مو شرط تعرفوها صاحبتي والسلام 

صارت تقول لي : بس اهدي ريلاكس خدي نفس .


وأنا مو قادرة حتى اتنفس خايفة طبقات صوتي تنخرب ><


قامت مسكت مادو سلسلتها ولبستني هيا وقالت : عشان يكون قلبي معاكي حتى وانتي ع المسرح . 


أنا حضنتها وكنت حأبكي 

وده الشي مرررة ساعدني اتخطى توتري ^^


الموهيم .. طلعت عالمسرح .. والأبلة شغلت ترجمة الاغنية .. وبدأت أغني ..


في البداية البنات ضحكوا .. عشان صوتي كان يرتجف مع التوتر ..


بس بعدين كلو صار تمام .. الحمدلله .


والخبر الحماآاآس نمبر 2 هو : ....


اليوم جاتني فكرة هبلة شوي .... 


قلت ليش ما اترجم يوميات توما .. واعمل صفحة خاصه له هو واترجم اليوميات حقته ؟؟ << فكرة هبلة مرة تانية 

الموهيم .. انا قولت اجرب ان نفع كان بها وان ما نفع بنحذف الصفحة .. ايش ورانا ؟ 

واجبي اسمع كلام قلبي

  واجبي اسمع كلام قلبي   

طبعاً الموضوع باين من عنوانه ... اليوم اكتشفت قد ايش مهم انك تسمع كلام قلبك 

هو صح صعب انك تسمع كلام قلبك ... لأنو احياناً تتردد .. تخاف انو الشي اللي بتسويه ينعكس عليك او يكون محرج بالنسبة لك ...

بس من داخلك .. انت نفسك تقوم وتسوي اللي يقولك عليه ... 

اليوم انا جربت هالشي بنفسي ... 

كانت صاحبتي تعبانة .. وأنا عارفة ليش ... وكانت مرة كاسرة خاطري .. ومحزنتني .. حسيت انو نفسي اقوم اخفف عنها .. 

بس عشان انا وهي بيننا خلافات .. ماراح تتقبل هالشي مني .. ومو عارفة ايش اسوي ..؟! 

شي يقول لي .. قومي وسلمي على راسها وخففي عنها .. وشي يقول لي : لا هي دحين معصبة وماراح تتقبل منك !!

جات صاحبتي التانية ومسكت يدي وقالت لي : قومي ... اسمعي كلام قلبك .. قومي !! 

ووحدة تانية من جمبي تقول : نحنا نثق فيكي بتقومي يعني بتقومي !!

خوفوني ... وقلت اقوم .. أنا حاسة اني بأجبر رجلي ع المشي ومو قادرة كل ما اقرب احس رجلي بتبعد ... 

قلت للبنات .. وقفوا .. !! انا مو رايحة .. قالو : ليش يا هبلة ؟! .. قلت مو رايحة وبس ... 

لانو حسيت انو بآخر لحظة قلبي قال : لا إذا هي ما تجي تخفف عنك لما تزعلي وتشوفك وما تجي .. تقومي انتي تروحي تخففي

عنها ... !! ليش ؟! مين هي عشان اسوي لها كدة ؟! إذا هي اختارت الطريق الصعب بنفسها مو ذنبي !! 

ورجعت ثاني لفصلي وأنا مرتاحة .. إني ما سمعت كلام البنات .. وسمعت كلام قلبي ... ترى صدقوني لو سمعتو كلامه

لمرة وحدة بس ... بتسمعو كلامو كل مرة ... لانو صااااآآآدق .. وعمره ماراح يكذب عليكم ويعرفكم اكتر من اي شخص تاني !

حبيتكم بس تعرفو هالمعلومة لانها مهمة مرة 

يـلا أنا بروح اشوفكم على خير ياقلوبي 

سايونارا  

يومـــيـاآاآتي فـي تـركـيا << خــباآاآل ^^

 كونيتشيوا يا حلوين 

الـيوم فتحت جوالي لما رجعت من المدرسة ... وبالصدفة دخلت على ملف فيه صور لـ تركيا في الاجازة الصيفية ....


وقولت .. ليه ما احطها في مدونتي ؟ عشان تشاركوني استهبالاتي ... إحـم .. اقصد .. يومياتي في تركيا 

فكرة متهورة مو ؟  << يلا التهور شي يفيد احياناً 

اوك نبدأ بسم الله : -








راح اعرفكم على بعض الفلوس التركية ... 



ملاحظة : العملة المستخدمة في تركيا هي : الليرة التركية .




دي 50 ليرة :











ودي 20 ليرة :













ودي 10 ليرات :











ودي 5 ليرات : 











اوك دحين جا دور القروش وبرضو تسمى ليرات عندهم : 




دي ليرة وحدة : 









ودي نص ليرة :









ودي ربع ليرة :













ودي عشر قروش :











اوك دحين نجي نشوف الاماكن اللي كنت احب ازورها 


اول مكان احب ازوره ... هو (( بيوك اطه ))  ..


هو بالأحرى جزيرة .. بعيدة شوي عن (( ترابيا )) << المكان اللي كنا ساكنين فيه 

نروحها عن طريق البحر .. 


ودي صورة لنا ونحنا في الطريق << الباخرة كانت جوناآاآن :









ودي صورة اول ما نزلنا من الباخرة : 









طبعاً (( بيوك اطه )) ما فيها سيارات .. وسيلة المواصلات الوحيدة فيها هي : الدراجات الهوائية - الأحصنة . 


وعاد الله يعين اللي يخاف من الاحصنة ... بيلاقيها تمشي جمبه لا إحم ولا دستور 





ودي صورة للمحطة لما كنا بنستنى الباخرة عشان نرجع لـ (( ترابيا )) 


 




واثناء ما بنستنى بابا طلب لي توست .... << لا تذكروني تراني مشتهيته 


هو اسمه (( كاشارلي توست )) والكاشارلي هو نوع من الجبنة .. بس لزيييييزة مو زي الجبن اللي عندنا مدري اشبو 









طيب خلصنا من (( بيوك اطه ))  دحين بجي لثاني مكان هو عبارة عن مقهى قدام مضيق البسفور اسمو : مادو 











ودي صورة ثانية : 

مضيق البسفور كان جوناآان .. وكل شي كان يشهيني اجلس زيادة << بس المدرسة آآخ يا عيني عليا

اوك دحين نجي للمكان اللي تعشقه اختي << مدري وش السر  

اسمو : مترو ستي 

هو عبارة عن مول كبيير وفيه مطاعم وكل ما هب ودب 

ودي صورة ثانية من جوه ناحية سوبر ماركت كبييييير جوه اسمو : مجروس .







وكان فيه محل اسمو : ماكس توي . 


كان فيه العاب جوناآاآن .. << طفلة 

كنت داايماً كل سنة اشتري نفس اللعبة << هبل 

هي عبارة عن كيس صغير فيه حيوانات .. وانتو وحظكم .. 


كنت دايماً اتحمس واسال نفسي :: مين الحيوان اللي بيطلع لي اليوم ؟ >> كأنها سبه مو .. سوري 


ودي صورة الحيوانين اللي طلعولي في هادي السفرة :









حلوين مرة صح ؟ 


وبعدين روحنا محل احوبه اسمو : مصري تشيرسيسي .


هو سوق في الهواء الطلق ... وعندو اشياء حلللللوة مرررة .. 


ومن هناك اشتريت خنفشاريات ما يعلم بها إلا رب العباد 

اولا اشتريت بكلات صغنووونة عشان كانت غرتي قصييرة ولما امسكها ببكلة مطاط مدري كيف تطلع 

فروحت اشتريت دي .. فيها عين حسود كمان << بس انا ما اؤمن فيها .. بس اشتريها عشان شكلها حلو ^^





ودي هدية لصديقتي بس ماراح اقولكم ايش جوه الكيس 



وطبعاً بعد المشاويييييير الطويييييلة دي 


برجع واسترخي على المرجيحه في البلكونة .. واعمل قهوة تركي .. وأنااااااام 



وبكدة اكووون خلصت من استهبالاتي في تركيا ... 


اتمنى تكونوا قضتوا وقت ممتع ^^ 


اشوفكم بعدين يا حبايب 


سايونارا