الحياة تعلمنا اشياء ما نعرفها

كونيتشيوا

ما تلاحظو شي مهم ؟! .. شي مهم في سلسة الحياة الروتينية ؟!


ما تلاحظو انوالحياة تعلمنا احيان الـ (( تبلّد الحسّي )) ؟!


أنا اليوم اكتشفت هالشي << بنعيش ونشوف


مـدري ليش يا جماعة حسيت نفسي كذاآاآبة


ما ادري ليش .. عيلتي كلها تحسبني انسانة مثالية


بس عشان ابرمج حاسب واتعلم لغات واغني واعزف هادا لا يعني إني مثالية وما في احد قدي


ويا ويل انقص درجة ولا اتهزأ من الابلة خلاااااص الطامة الكبرى ...


يكبروا الموضوع وانتي المفروض ما تكوني في دا الموقف .. انتي اتغيرتي و مدري ايش .. واسمع محاضرة


وأنا صار لي اسبوع غايبة عشان سمعت انو ما بندرس ..


واليوم جيت آخد الشهادة .. لبست بلوزة وبنطلون عادي وحطيت قلوز .. وروحت ..


وإلا (( وفيقة )) << مديرتنا التي نحاول اسقاطها ههههههههه  بس ماشاءالله ما اعتقد بنأثر فيها


تهزئني .. خرجت ودرت ظهري للموضوع .. لانو لحظات احس مديرتنا .. مـدري بس تحب تعكنن علينا ع الطالع والنازل


شكلي بالنهاية بعمل مظاهرات مصر واخربط مدرستنا


من كثر القوانين اللي مالها لازمة .. باقي لهم شوية ويقولو البسو : سروال ابيض وفيه مطاط بمبه غير كدة بتطلشو


بس من كثر ما طفشت وطلع حلقي وانا اقول : يا جماعة لا تأملوا فيني كثير ... لا تحملوني آمال تقيلة عليا .. أنا مو كاااملة أنا مو مثاالية


بس مافي احد يسمعني ويعلقو امالهم من جديد كأني اكلم جدار  


في النهاية فقدت الامل وطنشت الموضوع والحياة علمتي اكون بليدة حسياً في بعض الأحيان ...


عشان ما نخلي شي تافه يعكر صفو حياتنا


يا ريت بس تعرفو اهمية انكم تتبعوا حدسكم .. ^^


جــاآاآنــاآاآ