الركن السحري

كونيتشيوا

أكيد كلكم تسألو .. وش قاعدة تخربط ذي ؟!


أنا حقولكم ...


قرييييب جداً خلّصت دراما you‘re beautiful وكاااانت روووعة صراحة بمعنى الكلمة



الموهيم .. ولما شفت المقطع .. لما جيريمي يركب مع جو مي نام الباص ويقولها دا باص سحري


يلف لفة وحدة ولما تخرجي منو تكوني نسيتي الشي اللي مضايقك !



فكرتو عجبتني  



هي الشغلة كلها عبارة عن برمجة لغوية لدماغك ..


الموهيم


يومها روحت المدرسة وكنت مضاآاآيقة مرررررررة ..


وكان في مطبخ التدبير ركن احبه مرة عشان كان ركني أنا وصديقتي نجلس نسولف  .. ما بين الثلاجة والباب ..


وكان في شي مرة محيّر دماغي ...


مو عارفة ايش اسوي ...




قلبي يقولي اسوي شي .. وعقلي يقولي اسوي شي تااااني مرة مختلف ...


مو عارفة افكّر بعقلي ولا بقلبي .. ومستحيل ينجمعوا هالعدوين ويفكّرو سوا


قلت خلاص .. الركن دا ركن سحري <<


لما أجلس فيه لمدة نص ساعة .. وأبكي وأخرج اللي في قلبي ..

اخرج وانسى كل شي مضايقني << نكتة أنا مو  شسوي من الزعل


دخلت الركن وبكيت زي المخبولة .. وخرجت ..


اكتشفت انو الدرامات اخيراً لها فايدة .. على عكس كلام ماما لما قالت لي : قومي سوي لك شي دي الاشياء مالها منفعة !!


الموهيم .. خرجت وكلي وناسة وبطير من الرجه والخبال << وأكلت 5 جالكسي << صلوا ع النبي


فعشان كدة .. مستحيل لما تتنكبوا تقولو : اوووف شكلي بفضل تعيسة طول عمري  


لا بالعكس .. لازم نعيش حياتنا لأنها كلها مرة وحدة وبس !!


الله يخليها صاحبتي خلود قالتلي : احلا عمر اللي هو عمرنا .. فلا تخربيه على نفسك بأشياء تافه


ومن بعدها فتحت عيني .. وعرفت ساعتها ..


انو لما تفتحي عينك ودوري بكل اخلاص على الحياة والأصدقاء وكل شي .. بتلاقيهم جمبك ..


وراح تسالي نفسك : هل هما كانوا على طول جمبي وأنا ماشفتهم .. ولا دحين جو ؟!


بس الأجابة اكيد بتكون انك انتي ما شفتيهم .. ولا اعطيتيهم اهتمام .. لأنك ركزتي على شي واحد بس ^^


ولما فتحت عيني ودورت .. لقيت ناس احبهم ويحبوني ..  


ورغم اني ما اعطيتهم وجه في البداية بس برضو .. لقيتهم يضحكولي لما فتحت عيني ...


واهم شي .. لا تفقدي ايمانك بربك ... لو مهما كان حزنك كبيييييييييير . . ربنا اكبر منو بكتييييييييييييير



جـاآاآنـاآاآ